Transcription
1
[lettre à Charles IX]
2Sire, scaichant de quelle affection et volunté [barré : fe ] le feu sieur de Fiansays conseiller en votre
3
cour de parlement de ce pays, ma assisté et survenu de toute ayde, conseil et appuy es
4
affaires que jay eu pour votre service en la charge quil vous a pleu m'honnorer
5principalement durant [barré : tous ] les derniers troubles, les peynes et travaulx quil a prins à l'execution
6
de plusieurs charges et commissions esquelles il sest liberallement [i]ngeré ^ [^ et supporté pource grandz fraiz] sans respect
7
ou acceptation de personnes quelzques rancoeurs ou malveullances qui luy en puissent
8
estre ou soient advenues, tant par emprunctz particuliers sur les ayses et ceulx de la
9
nouvelle oppinion et autres tendans au bien de voz affaires et soulagement de voz bons
10
subiectz ^[^ et despenses quil y a soustenues] et desquelz il auroys cy devant pleu à votre magesté me donner esperance
11
quelle auroyt souvenance den recongnoistre icellui feu sieur de Fiansays, lequel se
12
promectant ce bien et sen trouvant ses veufves et heritiers frustrez par le moyen
13
de son decès, jen ay bien voulu vous en remerorer, sire, en suppliant très humblement
14
pour les causes et considerations susdites, faire tant de bien et aumosne à sesdits veufve
15
et heritiers que de leur faire don de la finnce qui pourra provenir de lestat
16
dudit defunct en y nommant personnage capable, ou de telle partie dicelle quil
17
vous plaira ; dautant mesmes que les longz et signalez services faictz par ledit
18
defunct en sadite charge durant XXVI ans peuvent apporter de merite envers
19les siens, esquelz par ce moyen il a laissé [barré : plusieurs charg ] telles charges et
20
debtes que, sil ne plaist à votre majesté y avoir esgard et leur departir de votre grace
21
et liberalité, ilz seroient pour en souffrir grand peyne et callamité, delaquelle je
22
vous supplie de rechef très humblement, sire, les en vouloir relever ou donner
23
quelque soulagement.
24
[85 v°] [lettre à Catherine de Médicis]
25
Madame, estant survenu le décès du feu sieur de Fiansays, conseiller en votre cour de parlement
26
de ce pays et par ce moyen son estat vaccant à la grande perte et desolation de
27
ses pouvres veufve et heritiers quil a laissé chargez de plusieurs debtes
28
et affaires pour la debonarité et liberalité qui estoyt en luy, que je vous
29puys dire, madame, il a faict de telz et si notables services à voz majestés [barré : tant
30
durant XXVI ans en sa charge] tant à lexercice de son estat lespace de XXVI ans
31
que durant les derniers troubles au près de moy, comme encores estoyt-il sur son
32partement dy venir [barré : quilz sont vrayement recommandables ] se les sentans
33
dignes de recommandation, avec ce quil vous plaira veoir, jen escriz au roy
34
et entendre du sieur de Catinel, aussi conseiller de ladite cour, son gendre, et ce que vous
35
congnoissés mieulx du merite des veufves, cella ma meu de vous supplier très humblement,
36madame, avoir pitié et commiseration dicelle veufve et [barré : luy ] pour si bonnes
37
causes et consideratons contenues en madite lettre, luy faire don de la finance
38
qui pourra provenir dudit estat, ou partie dicelle en y nommant personne
39
capable et suffisante.